როგორ მოვაწყოთ სტუდიოს ტიპის ბინა? – “გრინოქსის” რჩევები

იმისთვის, რომ სივრცე ეფექტურად აითვისოთ, შემდეგი ფაქტორები უნდა გაითვალისწინოთ: 

ჭკვიანი ზონირება – სამზარეულოსა და მისაღების ერთმანეთისგან გამოსაყოფად, გამოიყენეთ სხვადასხვა მასალისა და ფერის იატაკი. მაგალითად, სამზარეულოს ნაწილში შეგიძლიათ დააგოთ ფილები, მისაღებში კი – ლამინატი ან პარკეტი;

მრავალფუნქციური ავეჯი – შეარჩიეთ ავეჯი, რომელიც რამდენიმე ფუნქციას აერთიანებს. გასაშლელი მაგიდა, დივანი სათავსოებით ან დასაკეცი სკამები საუკეთესო გადაწყვეტილებაა სივრცის დასაზოგად; 

ვერტიკალური სივრცის გამოყენება – კედლებზე განთავსებული თაროები ან კარადა მნიშვნელოვნად დაზოგავს ადგილს; 

განათების როლი – სწორად შერჩეული განათება ქმნის განსხვავებულ ატმოსფეროს და ხაზს უსვამს სხვადასხვა ზონას. გამოიყენეთ ჭერის, კედლის და იატაკის სანათები, რათა შექმნათ კომფორტული და სასიამოვნო განწყობა.

სარკეები – ცნობილია, რომ სარკეების გამოყენება გაშლილი სივრცის ეფექტს ქმნის. მცირე ზომის ბინებში კი მათი გამოყენება საუკეთესო გადაწყვეტილებაა. სარკე, თავისი სპეციფიკიდან გამომდინარე კი შეგიძლიათ სახლის ნებისმიერ სივრცეში განათავსოთ, თქვენი სურვილის მიხედვით.