„Greenox ლისზე“ დასრულებული, განსხვავებული გეგმარებისა და კონცეფციის საცხოვრებელი პროექტია, რომელიც ლისის ტბის მიმდებარედ, მშვიდ და ეკოლოგიურად სუფთა გარემოში მდებარეობს.
პროექტის კონცეფცია მოიცავს 18 ინდივიდუალურ საცხოვრებელ სახლს, საკუთარი გამწვანებული სივრცითა და დამონტაჟებული ფუნქციური ჭიშკრით, ხოლო სურვილის შემთხვევაში შესაძლებელი იყო ინდივიდუალური საცურაო აუზის მოწყობაც.
სახლები აშენებულია მონოლითური რკინა-ბეტონის კონსტრუქციითა და თბოიზოლაციური მასალების გამოყენებით, რაც უზრუნველყოფს სეისმომდგრადობას, ენერგოეფექტურობასა და გრძელვადიან საცხოვრებელ კომფორტს. პროექტის მშენებლობა 2024 წლის სექტემბერში, წინასწარ განსაზღვრული სამშენებლო ვადების დაცვით დასრულდა და მობინადრეებს სახლები პრემიუმ კლასის მწვანე კარკასის კონდიციით გადაეცათ. პროექტში წარმოდგენილი 18-ვე საცხოვრებელი სახლი სრულად გაყიდულია.
„Greenox ლისზე“ აერთიანებს თანამედროვე არქიტექტურას, დაბალი სიმჭიდროვის განაშენიანებასა და ლისის ტბასთან ცხოვრების უპირატესობებს, რაც პროექტს გამორჩეულ საცხოვრებელ გარემოდ აქცევს მათთვის, ვინც აფასებს სიმშვიდესა და გამწვანებულ გარემოს.
